Fin dun ciclo e continuación
CAPÍTULO II
Tras a morte dos dous irmáns Peinador (Enrique en 1917 e Ramón en 1928), o control da empresa pasa definitivamente aos membros da seguinte xeración. Prodúcese unha reorganización desta e a ampliación de socios, o que pon fin a unha etapa e a un proxecto persoal.
NOVA SOCIEDADE
Cambio de modelo
“Augas de Mondariz Establecemento mineiro-medicinal dos Señores Hijos de Peinador”, convértese en “Augas de Mondariz S.A.”, Enrique Peinador Lines, fillo dun dos fundadores seguirá exercendo como xerente da mesma. Coa ampliación de socios entra a formar parte da empresa o Banco Pastor.
O estalido da Guerra Civil en 1936 aumenta aínda máis o cambio de período da empresa, acentúase o declive do estilo de vida burgués e o balneario cae en desuso.
Algunhas das obras que se iniciaron paralízanse por completo e edificios como o Gran Hotel convértense en hospital militar.
Algunhas das obras que se iniciaron paralízanse por completo e edificios como o Gran Hotel convértese en hospital militar.
Despois da guerra restablécese aos poucos a actividade en Mondariz. Aparecen novos formatos para satisfacer a cada vez maior demanda dos consumidores.
Mondariz continúa traballando e retomando proxectos: Fuente del Val comeza a ter un lugar destacado entre as augas comercializadas ao longo da segunda metade do século XX. Nestes anos do século XX era habitual ver camións de repartición que distribuían as botellas barrio por barrio por toda a Península Ibérica.
